Fake” 3″
في علاقاتك: بلاش نبقي Fake في علاقاتنا، الFake في العلاقات بيعمل اكبر مشاكل والله.
يعني مثلا: مفهوم الخطوبة عند جزء من الناس (طبعا مش كله) ان كل واحد بيمثل علي التاني وبيحاول ميبقاش حقيقي عشان يبهر اللي قدامه، وطبعا ممكن الطرفين او طرف مثلا يفوت حاجات ويقوول انه معندوش مشكلة وعادي، بفكرة ان عادي شوية وانا هيغره او انا هغيرها، ودي بقي بتعمل احلي واكبر مشاكل في العلاقات.
فالله يستركم بلاش تمثيل في الخطوبة خليكم حقيقين وعلي طبيعتكم، وياتتقبلوا بعض كده يا تقرروا انكم متكملوش عادي يعني والله، احسن ماتمثلوا علي بعض وبعد كده تتفاجأوا ان كل واحد مش عارف التاني اصلا.
طبعا موضوع التمثيل في العلاقات مش مقتصر علي علاقة الراجل والست، التمثيل ده قيسه بقي في اي علاقة من العلاقات اخوات، اصحاب…. الخ.