من الحاجات اللي مش بتخلي يبقي في حوار هي فكرة ان طرف يقلل من الطرف التاني او يبقي في في كلامه لوم للطرف التاني،فا ده هيادي في الاخر ان مفيش حوار حاصل واي حوار هيتقلب لخناقة.
طيب اعمل ايه عشان يبقي في حوار او عشان اي حوار بينا ميتحولش لخناقة:
-خليك حقيقي،بمعني ايه؟ بمعني انك تعبر عن المشكلة او الحاجة الي مضيقاك وتوصف شعورك ناحيتها ايه وليه الموقف ده او الطريقة دي ضايقتك.
-تسمح للطرف التاني انه يعبر عن نفسه من غير ما تحكم عليه و من غير ما تتبني موقف دفاعي وتبقي متقبل كلام الطرف التاني ده و تبتدوا تتناقشوا في وجهة النظر دي.
-يبقي هدف الحوار اصلا انكم بتتكلموا عشان تحلوا المشكلة او الخلاف اللي حاصل،مش بتتكلموا عشان كل واحد يفرد عضالاته ويثبت وهة نظره هي الصح.
-احترموا مشاعر بعض،بلاش تنكروا علي بعض او تستغربوا هو” ليه حس بكده مش من حقه اصلا او ايه ده هي مالها مأفورة الموضوع كده ليه؟”،حاولوا تفهموا السبب ورا المشاعر دي ايه،لان غالبا بيبقي وراها احتياج معين.
لو طبقتوا النقط دي في الحوار بينكنم وبين بعض،الخناقات هتقل وهتعرفوا تتحاوروا اكتر من غير خناقات.
وعشان تعرفوا عن الموضوع اكتر هسيبلكم لينك لمقال في اول الكومنت
للاستفسار وحجز جلسات الكوتشنج دوس علي اللينك ده.