نركز بقي كده عشان دي هتبقي سلسلة مقالات ان شاء الله عن سموم العلاقات.
ايه هي بقي سموم العلاقات دي؟؟
في عالم اسمه جون جوتمان،العالم ده فضل يدرس ويبحث ايه اللي بيخلي العلاقات تنتهي وتفشل،وبعد البحث ده توصل انه بقي بيتنبا بفشل او نجاح العلاقة بنسبة 90% من خلال بحثه….
البحث كان عبارة انه بيجيب اتنين متجوزين ويحطهم في شقة ويبتدي يراقبهم ويراقب طريقة حوارهم عاملة ازاي،عمل البحث ده علي اكثر من 3000 couple،ولاحظ ان اغلب العلاقات اللي بتفشل بيبقي ليها اربع اسباب،وسمي الاربع اسباب دي:
“Four Horsemen of the Apocalypse”
واحنا للسهولة هنقول عليها “السموم الاربعة”..
طيب ايه هي بقي السموم الاربعة دي؟
1-التقليل او الازدراء CONTEMPT
2-اللوم او النقد CRITICISM
3-الدفاعية DEFENSIVENESS
4-الانسحاب او التنفيض او التجاهل STONEWALLING
دوول الاربع سموم اللي بيدمروا اي علاقة واللي بتبقي من اسباب كبيرة في الخناقات ،والصراعات والخلافات.
ان شاء الله من المقال اللي جاي هنتكلم عن اول سم من السموم وايه الحل بتاعه.
لو في علاقاتك سم من السموم دي تابعوا معايا البوستات اللي جاية،ولو مفيش تابعوا معايا برضه عشان تتجنبوا ده في علاقتكم
اشوفكم علي خير في المقال اللي جاي
.