مشكلة كتير من العلاقات اللي بتتقال ان في اول العلاقة كان في مشاعر كتير حلوة و كنا مبسوطين و سعداء في العلاقة بتاعتنا مع بعض، بس للاسف مع الوقت المشاعر دي معدتش موجودة او قلت.

دي من المشاكل المتكرر في العلاقات و اللي بتحصل لاسباب كتير، منها مثلا كتر المسؤوليات و الالتزامات اللي في الحياة، منها كمان الروتين اليومى بتاع الحياة، ان مفيش جديد، اللي بنام فيه بنقوم فيه، و مع مطحنة الحياة دي تتأثر العلاقة بين الراجل و الست بسبب مشاغل الحياة، والحياة تاخدهم فوق وتحت، ومع الوقت تلاقي ان المشاعر بينهم معدتش موجودة خالص وبقي كل حد فيهم ماشي في العالم بتاعه عشان هي الحياة كده.

وممكن تلاقي ان في مشاكل على اسباب تافه جدا و تيجي تدور وتبص كده تلاقي ان سبب المشكلة دي اصلا ان في شعور معين هي او هو كانوا محتاجينه بس متلباش.

لانهم اصلا مش واخدين بالهم من المشاعر دي وماشين وخلاص في الحياة،وتلاقي الشكوي هي المشاعر راحت فين؟
ايه الحل ؟؟

خلوا يبقى في تجديد في حياتكم بلاش الحياة تبقى روتينية ماشية كده وخلاص.
اتفقوا علي خروجة كل اسبوع مثلا مع بعض تتكلموا فيها مع بعض، تشاركوا بعض فيها.
خدوا بالكم من مشاغل الحياة ومتخليهاش تيجي علي علاقتكم ببعض.

لو دي مشكلة عندك في العلاقة انا ممكن اساعدك.
ابعت/ي لي رسالة علي الصفحة و اسالوني عن تفاصيل جلسات الكوتشنج، و ممكن تحجز من خلال اللينك.

إحجز الأن


Coaching_With_Moaz 

Leave a Reply

Your email address will not be published. Required fields are marked *