البوست ده لعزيزي الراجل المتجوز😂.
في مكالمة تليفيونية مع صديقة عزيزة حصل الحوار الاتي:
هي: معاذ انت لازم تتكلم عن معاناة الست في غسيل المواعين
أنا:حاضر والله هتكلم (😂😂) بس ليه هو ان…..
هي:المشكلة بقي ان المية ساقعة اوي، ولما بتتعمل سخنها بتلسع مش عارفة اعمل ايه (😂😂).
طبعا الحوار مكنش خلص بس ده جزء.
الهدف منه يا رجالة والله الستات بتعاني من غسيل المواعين وغسيل الهدوم وتنشرها في عز السقعة دي.
ياريت اللي بيلبس كل يوم طقم يبقي هو كفاية طقمين في الاسبوع 😂😂 عايزين نزق معاهم الشهرين دوول.
ومش لازم علي فكرة ناكل مرتين او تلاتة كفاية مرة واحدة وتبقي يا جماعة في طبق واحد كلنا ونشرب في كوباتين دوول كفاية اوي 😂😂
او لو عاوز تاكل تلات مرات ان شالله لو حتي 5 مرات قدامك حل من اتنين:
1-تساعد في غسيل المواعين 😅
2-تقضيها اطباق ومعالق وكوبايات بلاستيك 😂😂
اختار عزيزي الزوج الجميل 😅😅
انا بقوول الكلام ده عشان خايف عليك بس ياعزيزي الزوج.
#الخلاصة_بجد
تقولها كلمة تقدير واشكرها علي تعبها ده.
حسسها انها متشافة ومتقدرة، هاتلها حاجة بتحبها وانت مروح.
كده يعني والله الحاجات دي بتفرق اوي يا جماعة.
#المواعين
#Coaching_With_Moaz