التوقعات…بتحصل بسببها مشاكل كتير في العلاقات.

سواء بقي توقعات عن إن الحياة حلوة وإن إحنا هنعرف نتعامل ومش هيبقي في مشاكل أو مثلا توقع إن العلاقة دي هتبقي العلاقة إللي هتصلح أي حاجة حصلتلي زمان، أيا كان إيه إللي حصل لي.

وصولا بقي للتوقعات بردود فعل معينة من شريك حياتي، والسيناريوهات إللي ممكن تتعمل للتوقع لفعل أنا عاملته.

تعالوا ناخد مثال عشان نفهم أكتر:
سامية بنت عشريناتي كده قطوطه وجميلة وصاحبة أبوها جدا بقي، أي حاجة بتحصل تروح وتحكيها للأبوها، بينهم علاقة كده البيت كله بيغير منها، وطبعا أبوها بيفهمها من عينيها ومن غير ما تتكلم وممكن هو يكمل الكلام إللي هي عايزه تقوله.

سامية إتخطبت وفي أغلب الخلافات إللي بينها وبين خطيبها، تقوله أنا لو كنت بتكلم مع بابا كان زمانه فهمني أصلا من غير ما أتكلم.

سامية كانت داخلة علاقة الخطوبة دي وحاطه توقع إن إللي هتتجوزه أو تتخطيبله المفروض يبقي زي بابها إنه يفهمها أصلا من غير ماتتكلم، ويبقي عنده الحكمة والرزانة والعقل والهيبة…..و…..و….,و….الخ، من صفات أبوها إنه لو مطلعش كده يبقي مش بخ كده وإنه مش راجل.

وبالتوقع ده إللي هي رسماه العلاقة هتبقي مليانة مشاكل وخناقات، من التوقع ده

ناخد مثال كمان:
في مشهد كده في مسلسل (عيش أيامك) لنور الشريف وعبلة كامل.
المشهد ده كان عبلة كامل (مراته) وأولاد نور الشريف كانوا عاملينله مفجأة بمناسبة عيد ميلاده، وطبعا كانوا متوقعين من نور الشريف إنه هيتبسط وينشكح بقي، بس للأسف رد فعل نور الشريف كان غير متوقع، قابل الفعل ده بزهق وزعيق ونرفزة، وكان مبرره إنه هوا الواحد بيحتفل بعيد ميلاده إنه كبر وقرب من الموت.

طبعا دي كانت صدمة لمراته وأولاده وليا أنا شخصيا بصراحة😄😄

ودي عملت مشكلة بينه وبين عبلة كامل فضلوا متخاصمين كام حلقة كده.

ومش عايز أقولكم طبعا التوقعات بتاعة ردود الأفعال دي بتعمل مشاكل أد إيه.

الحل سريعا:
-قلل توقعاتك من شريكك في الحياة.

-خلي توقعاتك واقعية (بلاش توقعات الأفلام والمسلسلات والأغاني الرومانسية دي الله يكرمكوا)

-أقعد إنت وشريك حياتك وكل واحد يقول هو متوقع من التاني إيه، وناقشوا التوقعات دي وبعد كده هندلوها.

بلاش تعلي بسقف توقعاتك.

لو دي مشكلة بتقابلك في علاقتك بشريك حياتك ومسبب خناقات ومشاكل… للإستفسار وحجز جلسات الكوتشينج.

إحجز الأن


Coaching_With_Moaz 

Leave a Reply

Your email address will not be published. Required fields are marked *