مع Reshape your Relationship Program

هتتعلموا إزاي تبنوا علاقة عاطفية صحية ومستقرة بشريك حياتكم مهما كان شكل العلاقة دلوقتي

العلاقات الصحية العميقة بتطول العمر

“أحدث الدراسات بتقول أن النجاحات المادية في الحياة مرتبطة ارتباط وثيق بدفء العلاقات و إن الاشخاص اللي كان عندهم علاقات عميقة و دافية في شبابهم كانوا هما الأطول عمراً و الأكثر نجاحاً و صحةً في حياتهم”

دلوقتي تقدروا تتعلموا إزاي تتعاملوا صح مع شريك حياتكم و تبنوا مع بعض العلاقة اللي بتحلموا بيها و كمان تشوفوا ثمرة تأثيرها الإيجابي على كل جوانب حياتكم.

أيوووة!! تقدر تعيش العلاقة الداعمة اللي بتتمناها و تقدري تعيشي العلاقة الدافية اللي بتتمنيها مهما كانت حالة علاقتك دلوقتي بشريك حياتك ..

لو عندك شك أن التحول دا ممكن يحصل !!!

فأنا كمان مكنتش مصدق أن ممكن علاقة تتغير و تتحول للأحسن لحد ما اتعلمت عن العلاقات و أصبح عندي خبرة من جلسات الكوتشنج اللي بقدمها؛ عرفت أن بأدوات بسيطة لو اتعلمتها و بقيت واعي بنفسي قبل ما أكون واعي بشريك حياتي هقدر أعيش العلاقة اللي بتمناها  وبالتالي هنقدر نعيش احنا الاتنين دفء العلاقة الصحية الحقيقية اللي فيها تقبُل و حُب و دعم و سند و اللي بيها بنكبر في نجاحنا في الحياة قبل ما يكبر سننا..

بس الأول لو أنت أو أنتي مستعدين أنكم تشوفوا تغيير حقيقي و جذري في حياتكم العاطفية بشريك حياتكم، عندي ليكم شوية أسئلة ؟

  • يا ترى وقت المشاكل بتتصرفوا إزاي ؟؟ بتعرفوا تتكلموا مع بعض !!! و لا كل ما بتتكلموا مش بتوصلوا لحاجة في الآخر و بتلاقوا أن الموضوع اتقفل لكنه في الحقيقة ترك جواكم ألم بدل ما يترك حب و تفاهم.
  • مفيش حوار ما بينكم!! العلاقة مفيهاش رايح جاي و نقاش و كلام بشكل تلقائي و سلس ؟ بتحسي أو بتحس أن الطرف التاني مش فاهمك أو بيفهمك غلط طول الوقت !!
  • يا ترى بتعديها و بتصبر أو تصبري عشان عايز تنجح العلاقة بكل طاقتك !! و الطرف التاني شايف أنك أنت أو أنتي اللي عليكم إنجاح العلاقة لوحدكم!! وبالتالي دا بيخليك / بيخليكي تحسوا بالارهاق طول الوقت وأنكم مستنزفين و كمان مش متقدرين!!
  • العلاقة كانت في أولها فيها attraction قوي و بعد فترة بقت عادية و راحت زهوتها !! وكمان مبقاش عندكم رغبة و لا طاقة تبذلوا فيها مجهود و أهي عيشة و السلام!!!
  • يا ترى توتر العلاقات بين الأهل من الطرفين بيأثر على علاقتكم و يوترها؟؟ طب يا ترى سركم في بير و بابكم مقفول عليكم و لا كل ما نملة تدب في بيتكم الناس كلها بتعرف عنها و بدل ما تقعدوا تحلوا مشاكلكم في قعدة هادية و بسيطة مع بعض، بتتحل عادة في قعدات عائلية أو بتدخل الاصحاب و المعارف!!
  • بتحس/ بتحسي أنكم بتتطوروا على مستويات مختلفة في حياتكم و لكن شريك حياتكم واقف محلك سر و مش عايز أو مش عايزة تتحرك ؟؟ و بعد فترة أبسط مواضيع الحوار بينكم مبقتش موجودة بسبب أن حتى التوافق الفكري بينكم مبقاش موجود ؟؟
  • البيت مبقاش مصدر و مكان للراحة و السكن ليكم أنتم الاتنين و لكن العكس صحيح مصدر للتوتر و الغضب و الحزن معظم الوقت؟
  • يا ترى طيب حسيتي أو حسيت بالاحباط قبل كدا لما كنتي أو كنت بتخططوا لهدية أو مفاجأة عشان شريك حياتكم و تعبتوا عشان تجهزوها و في الآخر مكنش فيه أي رد فعل أو رد الفعل كان: مكنش ليها لازمة!! ومكنش فيه التقدير المتوقع !!
  • مش بتلاقي الاهتمام الطبيعي في العلاقة بل بالعكس ممكن تقعدوا بالايام متتكلموش!! حتى لو عيانة مش بيبقى مركز انه يطبطب أو يشيل عنك مسؤوليات البيت!! بقيتوا عايشين في البيت زي الموظفين اللي كل واحد بيقوم بدوره عشان الولاد و المظهر الاجتماعي و بس !!
  • طب يا ترى بتخافوا أن العلاقة دي ممكن تنتهي أو بتخافوا أن مع أول أزمة تلاقوا الطرف التاني بيتخلى عنكم !!بالذات لو كانت الأزمة مادية و صحية !!

لو علاقتك بشريك حياتك وصلت لحيطة سد ( وصلت لحالة من الركود و الفتور التام) فأكيد إجابتك على كتير من الأسئلة اللي فوق كانت ب ( أيوة ) ، والحقيقة من خلال جلسات الCoaching اللي قدمتها لعدد كبير من المخطوبين و حديثي الزواج؛ أقدر أقولك أنك مش لوحدك !!

لما بنوصل للحيطة السد في أي حاجة في حياتنا؛ بنكون غالباً محتاجين المساعدة ..

زي كدا دور البرد اللي بنحاول نعالجه في البيت مدة و بعدها لما بنلاقي أننا حالتنا بتسوء و الموضوع تحول من مجرد دور برد لالتهاب في الزور ثم لنزلة شعبية، ساعتها بنتحرك بسرعة و بنروح للدكتور و اللي غالبا بيلومنا أننا تأخرنا كل دا على ما الحالة وصلت للمرحلة دي !!!!

أنا كمان بقولك و بقولِك بلاش تستنوا لما علاقتكم تكون عالمحك عشان تتحركوا و تطلبوا مساعدة متخصص..

“كنت دايما بقول ان الCoach من اهم الحاجات اللي لازم تكون في حياتنا لأنها بتساعدك علي التفكير بشكل أفضل.

جلسه الكوتشنج كانت مهمه جداا ونورت حاجات في تفكيري،، شكراا جداا د. معاذ ”

اماني

“دكتور معاذ حقيقي من الناس اللي كان ليهم دور مهم جداً في نجاح العلاقة بيني و بين مراتي ، شخص مجتهد جداً و عنده من الأساليب البسيطة و في نفس الوقت فعاله جداً اللي ساعدتني كتير مش بس في ازاي افهم مراتي و استوعبها و اعرف احتياجاتها و اهتماماتها، لا كمان خلاني أنا أفهم نفسي اكتر و ازاي اعرف اوصل اللي جوايا بطرق بسيطة ولكن فعالة جداً … 

حقيقي أنا ممُتن للراجل دا انه غير حياتي و لو لدرجة واحدة للأحسن بتمناله كل التوفيق في حياته..”

Mohamad K Aziz

تجربتي مع د.معاذ كانت مختلفة، هو عرفني يعني ايه coaching وأنا مكنتش متخيل أن coaching هيكون مفيد كدا..

كان مديني وقت اكتر من وقتي وسايبني اتكلم براحتي ومركز معايا جدا وبيسمعني وبيتأكد أنه فهم كل حاجة صح.

كان بيضبط مواعيده معايا وانا مسافر وفي فرق توقيت والـsession بياخد اكتر من وقته وهو مكمل معايا بدون اي تعليق.

احساسي خلال الـ sessions :

هو وصلني اني ادرك حلول حاجات كتير واحلل المشكلة وطلع الحل من جوايا و ده فرق معايا كتير في التعامل

حلل معايا أهداف الـ relationship وعيشنا معاها وفصصناها واشتغلت على حاجات كتير منها والموضوع ده فرق كتير معايا..

انا كنت فعلا مبسوط في اليوم اللي عندنا الـsession.. ربنا يجزيه خير.

مصطفي

Relationship Coaching

إيه اللي هيفيدني إني أطلب مساعدة coach متخصص في العلاقات!!

في الأول أحب أشبه علاقتكم بال relationship coach بالشراكة و لكن شراكة ليها إطار مدروس و محفوظ فيه السرية و الخصوصية و له ميثاق شرف معروف..

و في علاقة الشراكة دي بتعّرف على كل واحد فيكم بشكل منفصل و دقيق..

بسمعكم أنتم الاتنين و بقبلكم زي ما أنتم بدون أحكام و بكون حريص على نجاح علاقتكم زي ما أنتم حريصين عليها بالظبط  و دا اللي بيخليني أقدر أشوف التحديات اللي ممكن تكون موقفة العلاقة و اللي خلتكم توصلوا لحيطة سد!!

و بالتالي بقدر أخليكو تشوفوا بنفسكم الطرق الممكنة اللي بيها تقدروا ترجعوا الانسجام و التناغم في علاقتكم من تاني.

دوري معاكم أني أعلمكم أدوات مُجربة تقدروا من خلال تطبيقها في علاقتكم خارج الجلسات أنكم تعيدوا بيها ترتيب أفكاركم و مشاعركم عشان تقدروا توصلوا لفهم أنفسكم أولا و بالتالي تفهموا الطرف التاني بسلاسة.

و أجمل شيء في وجهة نظري في ال relationship coaching هو اكتشافك لذاتك من خلال الجلسات، لأن لما بندور مع بعض ونتعرف على الأسباب الحقيقة وراء تدهور العلاقة بنكتشف في الرحلة دي أن الأسباب بتكون شخصية عند أحد الطرفين أو كلاهما، الموضوع مش بس بيكون له علاقة بالمشاكل بينكم لكنه كمان ليه علاقة بكل واحد فيكم شخصياً و بصورة منفصلة عن الطرف التاني.

تعالوا نتكلم من أمثلة حقيقية على أرض الواقع قابلتها بنفسي ؛ كتير بييجي لي الزوج أو الخطيب و يتشكي لي أنه مش عارف يركز في شغله و يكبره بسبب الخلافات المستمرة بينه و بين زوجته أو خطيبته ، و أوقات تانية كتير برضه بتجيلي الزوجة تقولي أنا مش عايزة غير حياة فيها تفاهم و انسجام وحب يخلينا نقدر نقف في وش تحديات الحياة وضغوطها اليومية.

و دا حصل بالفعل مع زوجين طلبوا المساعدة لأنهم واصلين لمرحلة خايفين بعدها يوصلوا للطلاق!!

هي كانت بتشتكي الشكوى المشهورة عند النساء من عدم الاهتمام و هو كان بيشتكي الشكوى المشهور عند الرجال من عدم التقدير !

و بالفعل لما اشتغلنا مع بعض و قدروا يتعلموا و يفهموا عن نفسهم الأول وطباعهم المختلفة عن بعض، حصل تغيير جذري في فهمهم لبعض و شكل العلاقة فعلا أتغير مع الوقت، لأن التغيير الحقيقي بطبيعة الحال بياخد وقته الطبيعي عشان ينضُج و نشوف ثمرته.

دوري ك Relationship coach أني أساعدكم توصلوا لعلاقة صحية مُرضية ليكم انتم الاتنين وده من خلال إنكم :

  • تتعرفوا على المشكلات الحالية اللي بتقابلوها، و اللي ممكن تكونوا فاكرين أنها حاجة و يطلع أصل المشكلة حاجة تانية خالص.
  • إيه القيم المشتركة ما بينكم ؟ و ازاي نخليها على نفس الخط !!وايه اللي تقدروا تتعلموه من قيم و احتياجات كل واحد منكم ؟
  • انكم تتعرفوا على شكل التواصل اللي بتتواصلوا بيه دلوقتي و بالتالي هنحط أيدينا عاللي محتاجين نشتغل عليه عشان تعرفوا يكون فيه بينكم لغة حوار حقيقية
  • ايه هي أهم الاهداف لكل واحد منكم في الحياة ؟
  • هتتعرفوا كمان على المساحات المشتركة اللي بينكم و اللي ممكن من خلالها تتطوروا مع بعض!

طب ليه أعمل جلسات كوتشينج مخصوص لو كان ممكن أتعلم اللي بتقوله دا من كورس أحضره عن العلاقات؟؟؟؟

مبدئيا خليني أقولك أنك في جلسات الكوتشنج هتاخد فايدة أنك تحضر كورس و زيادة 10 أضعاف لأنك في الحقيقة هتتعلم كتير عن نفسك و عن العلاقات و مش بس كدا لكن كمان هتطلع بحلول متفصلة عليكم و على شكل علاقتكم الحالية و دا اللي مش بتلاقيه لو بتحضر كورس فقط ..

هقولك عشان 3 حاجات مش هتلاقيها من حضور كورس عن العلاقات فقط:

  1.  الوعي هو أول خطوات حل المشكلات

    في جلسات الكوتشنج ال coach بيعرف يشوف شكل علاقتكم عن قرب من برا فيقدر يحط ايده على المشكلة عشان نعرف نلاقي لها الحل ، و دا صعب تحققه مع الكورس لأن أنت اللي بتحاول حل مشكلتك بنفسك و مش دايما و أنت جوا المشكلة بتعرف تشوف حقيقتها.
  2. بتعرفوا نفسكم أكتر و بالتالي بتعرفوا شريك حياتكم بشكل أفضل

    في الكورس الكلام بيكون بشكل عام عن العلاقة، مش عنك انت او عنك انتي بشكل خاص و مفصل، بالاضافة ان كل علاقة وليها طابعها الخاص زي ما كل شخص منكم ليه شخصيته اللي ملهاش زي ف الكون له، و بالتالي اللي هتشتغلوا عليه في الجلسات هيكون مختلف بتفردكم و اختلاف شكل علاقتكم عن أي علاقة تانية.
  3.  توفير الوقت و الجهد و الفلوس

    في الجلسات بننجز في الوقت لاننا بنشتغل عليكم تحديدا بشكل مباشر ،لكن في الكورس انت بتقعد تسمع عن كل المشكلات الممكنة عشان تلاقي وسطها مشكلتك و بالتالي دا بيهدر وقت و جهد و فلوس بل وبيكون محبط لما بتحاول تحلها بأي طريقة سمعتها في الكورس و لكن منفعتش!!!

هل دا معناه أني محضرش كورسات أو أثقف نفسي عن العلاقات !!؟؟

لأ طبعا!! بالعكس تماما ..

حضوركم للكورسات و تثقيفكم لنفسكم مهم جدا و هو بيكون سبب أصلا أنكم تكونوا بتقرأوا كلامي دا دلوقتي، لأنك لو مكنش عندكم الوعي الكافي أن العلاقات دي بحر و محتاجين نتعلم فيها عشان ندير علاقاتنا بشكل سليم، مكنتش هتدور أو هتدوري أنكم تطلبوا مساعدة متخصص بعد ما جربتوا كل الحلول الممكنة و لكن لسة فيه حتة ناقصة محتاجة حد عنده علم و خبره يشوفها من برا و يساعدكم في حلها !!

لو عايزين تغيروا علاقتكم بشريك حياتكم للأفضل مهما كانت حالتها دلوقتي!!

سجلوا في Reshape your Relationship program

تفاصيل البرنامج:

-بنتعرف علي القيم بتاعة كل واحد.

-ايه المعتقدات اللي ورا القيم دي؟

-ايه توقعات كل طرف للعلاقة؟

-ايه هي الاحتياجات الاساسية لكل طرف؟

-ايه شكل العلاقة اللي انتم عاوزينه؟وازاي نوصله؟

وتفاصيل تانية كتير بنشتغل عليها خلال الرحلة بتاعتنا.

استثمارك في البرنامج:

2000 جنيه للخمس جلسات.

لو محتاجين تجربوا سيشن واحده بتبقي.
600 جنيه.

لو حبيتوا تكملوا بتتخصم من اجمالي المبلغ.

البرنامج هو عبارة عن 5 جلسات كوتشينج مع الزوجين أو المخطوبين أو أحدهم.

المدة :
الجلسات بتكون أسبوعية أو كل أسبوعين على حسب رؤيتنا مع بعض

التطبيق العملي:
بيكون فيه واجب بتعملوه سواء كل واحد فيكم لوحده أو مع بعض ، دي حاجة بنحددها سوا برضه

Bonus:
ليكم عندي 2 سيشن هدية بعد ما بنخلص البرنامج بشهر كمتابعة ليكم ولو لسة عندكم أي تحديات تانية نشتغل عليها