“The deepest principle in human nature is the craving to be appreciated” William James”
التقدير أو الإحترام، من أكتر الحاجات المهمة إللي لازم تكون في العلاقة، إنك تقدر إللي قدامك وتحترمه، تحترم شخصيته، أرائه، أفكار، معتقداته، تحترم حتي ضعفه وخوفه وزعله. وكمان تحترم وتقدر السن….إلخ.
إنك ماتفهش من إللي قدامك، ماتفهش أي حاجة من الحاجات إللي فوق دي، لأن لما بنتفه من إللي قدامنا ده بيحسسه بعدم الإحترام والتقدير، والشخص لو حس بعدم الإحترام والتقدير هتلاقي رد الفعل الطبيعي إنه هيحسسك أنت كمان بعدم الإحترام والتقدير.
وده طبعا لما يحصل هينتج عنه خناقات ومشاكل كتير، خصوصا بقي بين الزوج والزوجة أو الخطيب وخطيبته، ولغة الحوار هيبتدي يدخل فيها السموم الأربعة بتاعة العلاقات.
“إللي مشافش البستوات بتاعتها يبعتلي وأنا هبعتهاله”
شوفتوا بداية المشكلة ممكن تكون جاية منين، وأد إيه التقدير والإحترام مهم في العلاقات.
وده إللي خلي دكتور William James يقول “إن أعمق حاجة النفس البشرية بتحتاجها هي التقدير.”
طيب إزاي يبقي في إحترام وتقدير في العلاقة؟
3حاجات:
1-الإستماع listen:
الإحترام والتقدير بيبدأ بإنك تسمع إللي قدامك كويس، تسمع بإهتمام وتحسسه بده فعلا، تسمعه من غير ماتكون بتفكر الرد هيكون إيه أو حتي أنا عايز أتكلم بقي، إسمع بإنصات وحسس شريكك إنك فعلا مركز معاه مش تقضية واجب وخلاص.
2-التشجيع أو الثناء affirm:
وده ببساطة لما شريكك يعمل حاجة كويسة ولطيفة كده تثني عليه وتشجعه وتقوله كلمات تحسسه بأهميته وإنه فارق معاك، ده بيحسس شريك حياتنا بأد إيه هو متقدر وأد إيه أنا بكنله إحترام وتقدير وإن هو مهم بالنسبة ليا.
3-الشكر Be thankful:
اشكر شريك حياتك انه موجود معاك، أشكره علي الحاجات الجميلة إللي بيعملهالك، الشكر بيحسس إللي قدامك ده إنه الحاجة إللي إتعملت دي فرقت معاك، وده بيحسس شريكك أد إيه هو متقدر وإد إيه بتحسسه بالإحترام.
REMEMBER
“The deepest principle in human nature is the craving to be appreciated”
William James