بكلمه منك…
تنسيني اللي عدى أوام
تخليني أحس بقيمة الأيام
تطمني سنين قدام
بكلمه منك
توريني اللي مش شايفاه
تريحني من الهم اللي أنا شايلاه
تعيشني اللي مش عايشاه.

أنا مش عارف الأخت شيرين وهي بتقول الكلام ده كانت مدركه أوى كده تأثير الكلمة علي النفس البشرية وتأثيرها كمان في العلاقات.

هحيكلكم علي موقف حصل معايا:
في كورس الكوتشينج كانوا لازقين علي الحيطة كده زي box كده ومكتوب عليه اسم كل حد في الكورس، فكنا بنكتب وكل واحد يحط الجواب في البوكس الخاص بالشخص اللي كاتبله.

مش عايز اقولكم أد إيه الناس كان بيفرق معاها الكلام ده، وأد إيه كنت ببقي مبسوط لما ابص في البوكس بتاعي وألاقي في حد سايبلي فيه جواب.

إللي عايز أقوله إن أد إيه فعلا الكلمة بتفرق، عشان كده فعلا الكلمة الطيبة صدقة.

تخيل بقي لو الكلمة دي بتقولها لمراتك، خطيبتك، أختك، أخووك، امك، أبوك….أيا كان….شوف أجرها هيبقي عامل إزاي وتأثيرها علي النفس هيبقي عامل إزاي.

والله الكلمة ليها فعلا تأثير السحر….خلوا بالكم من كلامكم ومن الطريقة إللي بتقولوا بيها الكلام، لأن لو بتقولوا كلام كويس بس تعبيراتكم ونبرة الصوت مش معبرة عن الكلام عمرها ماهتوصل صح.

قولوا كل إللي إنتم عاوزينه لشريك حياتكم، بس قولوه بطريقة إيجابية وبأسلوب مفيهوش تريقة ، تسفيه، تقليل أو إنتقاد.

لأن لو بصينا هنلاقي معظم الخناقات بتيجي من طريقة الحوار عن حاجة معينة.

خلوا في حوار بينكم.
وخلوا بالكم من السموم الأربعة بتاعة العلاقات.
وإتكلموا بطريقة إيجابية.
وإعترضوا بأسلوب راقي.

لو مش عارفين تتحاوروا مع بعض وفي مشاكل بينكم، وأي حوار بينكم بيقلب بخناق.
املوا الفورم واسألوا عن جلسات الكوتشينج.
http://moazqader.com/#contact

THE_POWER_OF_WORD
Coaching_With_Moaz

Leave a Reply

Your email address will not be published. Required fields are marked *