fbpx
Thumbnail
.Ways to Stop Reliving the Past

“ما بلاش نتكلم فى الماضي
الماضي دا كان كله جراح
و ما دمت بحبك انا راضي
هندور ليه على شىء راح”

الفنان عمرو دياب كان عنده وجهة نظر تحترم بصراحة، ألا وهي إن خلاص بقي نفكنا من الماضي ونعيش اللحظة اللي إحنا فيها.

إيه المشكلة يعني لما افضل عايش في الماضي؟
-المشكلة الشخص اللي علطول عايش في الماضي، غالبا الشخص ده مش بيعرف يتبسط بأي حاجة بتحصل حواليه، هو أصلا مش بيبقي عايش اللحظة اللي هو فيها، هو متعلق وماسك في الماضي ومش راضي يسيبه، وطبعا بقي الشخص ده لو في علاقة، العلاقة بتتاثر وبيحصل مشاكل كتير بسبب ان في حد ماسك في الماضي ومش راضي يسيبه.

-مثلا واحدة عدت بتجربة طلاق او حتي خطوبة وباظت، تفضل ماسكة في التجربة دي والتجربة دي تفضل مأثرة عليها ومتبقاش شايفة أي حاجة غير التجربة اللي هي عدت بيها دي، لا كمان ممكن بقي تقول اصل الرجالة كلهم ملهمش امان…خاينين…مش كويسين….إلخ، فتفضل في الحتة دي مش راضية تطلع منها بسبب التجربة دي.

-طيب إيه الحل بتاع الموضوع ده؟؟
-اسمع مشاعرك، ايه المشاعر والافكار اللي ناتجة عن التجربة دي، ابتدي اسمعها واعمل معاها حوار وصاحبها، وحاول تقرأ هي جاية تقولك ايه، اوعي تنكرها او تهاجمها، لأنك لو عملت كده هتنفجلر في وشك.
لو ابتديت تعمل الحل ده هتبتدي تطلع من دايرة الماضي واحدة واحدة.
طبعا الكلام للشباب والبنات.

– عيشوا اللحظة، يعني بعد ماسمعتوا مشاعركوا واحترمتوها وصاحبتوها، اتكلموا معاها وقولوها ان احنا محتاجين نعيش اللحظة اللي احنا فيها دي، ونركز علي اللي بيحصل دلوقتي مش اللي حصل خلاص وخلص.

العيشة في الماضي بتضيع عليكوا متعة الحاضر، وبتسجن النفس ومش بتخليها تاخد اي خطوة لقدام.

Coaching_With_Moaz